sor_mack's Xanga

2009年12月31日

Fri, 01 Jan 2010 06:02:33 GMT

【Ride a Tram to 2010】

11:09 PM，由太古康宜出發，電車總站係上環。

選擇起太古上車係因為多D位，果然，樓上仲有位淨，好快就滿左。
唔係一對對，就係一個個。

車一路行，經過北角同炮台山，呢兩個出出入入左三年嘅地方。

去到銅鑼灣，架車得返一半乘客，對面嘅人換左三次畫。

開始封路

灣仔

落貨上架

你講，我係唔係一定要聽？

牲丹樓

金鐘，三年前起度報名上太空。

六年前試過一個人自已走出黎四圍行，黎左呢度。

新年快樂



舊中環

後面架車上層得返一對情侶

後面架車前面架車上層有一個傻仔

2009年最後一分鐘

電車剛剛好到站，前面果對夫婦都落車。

2010年1月1日 12:00 AM
Was Playing: 藍奕邦 - 快樂頌
電車停左起上環站


然後出面放煙花

你在看煙花嗎？

我也在看。

佢遲左一步，俾我影左。

是時候回家了。
新年快樂

2009年12月25日

Fri, 25 Dec 2009 18:54:20 GMT

2009年12月24日

Thu, 24 Dec 2009 17:54:37 GMT

終於考完試，會唔會炒呢D後話啦。

【Mac mini】
星期六訂左部Mac mini，原本星期二送到，點知送唔切。星期三我一考完試即刻返屋企，但係都趕唔切。

起海安路，坐起巴士上層，望住隔黎線架TNT van仔走左，即係無人收貨，即係又要等…

TNT個哥哥話應該要今日先送到俾我，其實最火滾係佢送之前又唔打電話黎，送到黎又唔打電話，無人收又唔打電話… 連幾點送到黎都唔知。

「係Apple要求我地送貨時間係9am~6pm架，咁我地分開9am~1pm同1pm~6pm兩節。」

我覺得？搞笑lor。唔通為左收部電腦而請假一日咩… 又無得選擇邊一日送貨，邊一個時段又無得選擇。

如果我買Mac Pro加隻Cinema Display，又要返朝九晚六，你想點送貨呢？蘋果呀蘋果，你唔係單做商客架？唔通個個都要訂野送返公司，再放工果陣同人迫地鐵？

收左線之後我再上網查tracking，見佢返左warehouse，最後我就死死氣地去warehouse自已攞，因為我覺得一個下午嘅時間總會比車錢+出力搬值錢。

由G4搬去Mac mini
部G4老喇，又嘈又食電，Hard Disk又加到爆唒都唔夠位。

呀媽係咁問「部機我用唔用得」
得，得… 俾我config完咪得lor。
（Windows 7 VM on Parallels，順過VMWare不過容易Crash）

執乾淨張枱，無哂D麻煩cables得返一個mon，好整齊。
部Printer我諗緊點好，佢又唔係壞，不過有時又會無啦啦error 5100，唔肯開機。

都係iMac G4最型仔。

2009年12月10日

Thu, 10 Dec 2009 15:45:03 GMT

【MackDraw】
好耐無畫過公仔。

「邊行邊講」

返左SPACE，原意係搵呀Yo，多謝哂佢盒「老麥餐」（Mac Box Set）

不過一場黎到見到Ronald緊係sit下堂Information Security，今堂講密碼學。

Woo... 有好多野可應我巳經唔記得左。

同Ronald閒聊，佢真係辛苦喇，要四圍走四圍做。

或者Information Engineering...無入錯。

Signal Processing、Image Processing呢D遲下有機會修到嘅course都會同Benford's Law、Computer Forensics扯上關係（噢！）

無疑我小看左數學，小看左MAT1110B嘅威力...
我真係要好好操返D數，咁樣我嘅capability會闊D。

但係我成日都水過鴨背，咩都轉個頭就唔記得哂 :S

要加油努力喇，我唔可以咁易就放棄，點都要捱過呢幾年。

呀，畫漏左部MacBook，算啦。
應該係第一次畫人係無用相黎墊底，細細個唔駛太detail，過得去啦...

2009年12月9日

Wed, 09 Dec 2009 15:18:32 GMT

2009年12月9日

【Recent | 自身】

上星期要趕起嘅功課

樣衰衰交左去算，不過我無check清楚就交，原來有行code多左...到我發現果陣巳經late submission，不過算啦，都照交多次。

HyperCards, hahaha... （System 7年代嘅野）

之前寫左嘅信

收返喇，我遲左好多日先記得寄。

前晚

聽日呀媽生日

今日

繼前日又再唔記得帶鎖匙
我要好好記著...因為今晚無咁幸運，我起樓下坐左兩個鐘，幸運嘅係有部MacBook起手，寫左一篇幾長嘅野俾自己去記低尋晚：

尋晚

無無聊聊地，同一個重慶嘅男生傾計（大家都係Mac user，所以用iChat開Video）
成晚都起度講普通話，雖然我D普通話真係好普通，不過還好佢都聽得明。

兩個人咩都傾，電腦、Internet、返工返學、日常鎖碎事、女生（可以有幾煩）、香港、重廈、自由行、文化... 好多好無聊或者好搞笑嘅野，諗到就講。

幾得意，幾得意...原來重慶（人）：
氣溫得10度，仲要濕氣重，所以好凍
都有好多「公主病」嘅病人
買名牌野真係好貴，所以佢地會黎香港買
黎香港如果同女仔去，實買唔到野，因為D女仔只會買自己想買嘅野
去迪迪尼局住做影相佬，返到屋企D女仔會問點解自己會同D怪物（米奇）影相
點解有Great Firewall，係因為怕農村村民（或者普通人）聽得太多唔同聲音又唔識分析而搞到裡社會不安

仲有好多好搞笑嘅野...

【追加：他們說...】（原本今日係想講呢樣野，不過最後記得講）
重慶來的男生還說

“你也算是一個帥哥耶”
「不會吧！」
“說真的，是帥的我就會說他帥，不帥的我就會說他真的不帥”
「那...謝謝你哦」
“別這樣說”

“怎麼會沒有喜歡的人？”
「嗯... 我可沒有想過」
“不會啦！只是你沒有留意吧？也許多些跟別人修修電腦就會有呢”
「找我修電腦的也蠻多啊...但不會有人喜歡像我這種沉悶的人吧。」
“不，現在的女生也會喜歡那些靜靜的男生”
「哈哈」

“哪你喜歡怎麼類型的？”
「簡簡單單... 嗯... 對呀，簡單的就可以。」
“你是甚麼星座的？”
「雙魚座」
“我也是屬水的星座，我是Cancer，也是喜歡簡簡單單的”

每次有人問同樣問題，我會用同樣嘅答案。
然後，多數人都會問「真的嗎？」

很令人難以置信？

今日報紙有個女仔��手，起手上面��左「Ho 軒」
無聊嘅呀媽即刻問“呀仔你有無女朋友？有無女仔鐘意你？”
「無啦...」
“俾D野你睇...”（打開左報紙）
「無聊！」
“真架喎！你睇下啦！係唔係你架！”
「無聊！」

近呢幾個月又真係多左人問呢個問題。

另外，有人話我好搞笑
「係呀，我準備做第二個高皓正（中大爛gag王）呀！」
真的嗎？可能過往（特別係中學時期）我太過壓抑自己

剛剛有人話我係一個浪漫嘅人
係咩？寫信俾自己...你都可以架？我都係抄藍奕邦咋。
雖然有人會話「收到呀Mack預備嘅禮物係好正嘅事」
咁，其實都係出於骨子裡果種無聊嘅心思，因為我係一個無聊人麻！

「呀Mack你變左喇！你以前唔會.........」
呢個擺到明係區小朋友講架啦

唔通，過去果二十年嘅我都係一個長年壓抑自己嘅我？似乎又係...
都係果句啦，我係一個好聽長輩講野嘅人，好鐘意守規...
其實我又係唔係真係咁鐘意呢？可能我本身係一個好壞嘅人黎架喎！
可能...可能係我面前真係有好多層layers

就連我自己都睇唔清我自己。

剛剛諗到一點。
其實我諗我呀哥或多或少都會對我有影響。
尋日呀媽問“呀哥有無Online呀”
「Hmm...無喎」
“你兩個平時有無傾計架”
「無架。」
“唔好咁啦，你兩個係兄弟黎架...一世人佢永遠都係你呀哥...”
「咁我同佢又真係唔係好熟...」
“人地同埋一間屋住嘅都唔係咁啦，你兩個係兄弟黎喎...”
「我同佢係兩種人，唔夾就係唔夾...無得解架喎」

對呀，我諗我同我呀哥真係兩種唔同嘅人。或者所有野都係建基於係成長時期...
印像中，呀哥嘅academic result一向都係麻麻，佢小二果年班主任仲針對佢，果時見家長我都起度。
呀哥會考之後就去左Hungary，之後再去左澳洲

end up起我印像中佢就係一個成績麻麻，鐘意玩同埋會令到兩老激氣嘅人。
間中同我打下交，雖然都會一齊睇數碼暴龍。
但，其實我真係唔了解佢。

然而，正因為佢嘅形像起我心入面係咁，我就更要做好自己，唔可以好似佢咁。
點解呢？呢個我都唔知道，或者有人讚過你乖，你就真係以為自己乖，然後就繼續扮乖掛？

咁扮左咁多年好學生，到宜家...
或者冰開始溶，好多我嘅隱性性格都慢慢浮上黎。

童年嘅我都係建基於人地對我嘅期望，咁宜家呢？

我係帥哥？
我係一個有Sense of Humor嘅人？
我係一個勤力嘅學生？（No.）
我鐘意幫人嘅人？
我有創意？（下？）
我浪漫？（嘩。）
我...?

真係要慢慢重新認識自己。

2009年12月7日

Mon, 07 Dec 2009 15:07:52 GMT

咁就一個semester，時間過得真係快。

今個星期巳經開始考試，woo... 要努力喇。

之前封信巳經收到，set好reminder兩年後拆黎睇下，可能到時會覺得好好笑。
關於信入面寫左D咩：其實同埋平時D日說無咩兩樣，都係差唔多，不過無post出黎咁解。

其實開頭我都有諗過scan左去post出黎，不過唔記得點解最後無咁做。
（scan左起hard disk入面）

尋日諗左一堆野，咩黎架呢？呢個有D人可能會起facebook執到張note... 睇完就算，因為我set左limit access，係一D好個人嘅想法同見解。

當然，可能會有人有共鳴，又或者有其他想法。
其實唔需要太過認真去睇，求其睇完笑下就算啦 :)

不過，的確最近係有一種想法，要開始有自己嘅想法，唔係盲目去跟從同相信，要學識去提問。

Programming with Xcode not Ycode.

2009年12月4日

Thu, 03 Dec 2009 16:52:24 GMT

今日有朋友問我可唔可以俾多次我個電話號碼佢。
聽完之後真係有點失望。
我肯定我之前俾過佢幾次...

如果PEOPLES果句「留住號碼留住關係」... 咁真係幾失望﹣我話，我會覺得失望。算啦，我知道訓一覺之後我就會唔再考究呢個問題。

不過我真係好想講：「我無刪除你嘅電話號碼，因為我唔知幾時有一日你會打黎。」

這刻，我是快樂王子。

2009年11月27日

Fri, 27 Nov 2009 15:04:39 GMT

今日有個傻佬寫左封信俾兩年後嘅自己...

...聽日寄左去先。

《時候尚早》　藍奕邦

2009年11月26日

Thu, 26 Nov 2009 14:04:46 GMT

好唔小心咁我尋日又病左喇。
我諗緊係唔係張被太保溫，保溫到有少少過熱而令到我出哂汗...繼而起解溫期間冷親而又病過。
至少，起我矇朧之中係有咁嘅印像。

都唔知係好事定壞事，但係張被真係太保暖，暖到我訓得唔係咁舒服。

（順帶一提，張被係呀媽新買嘅。）

通常病人都唔會認自己有病，所以我無食到藥就返左學（我係有諗過應唔應該帶D藥返學，不過只係諗下）

結果？PE堂愈黎愈唔對路（不過10球都拋到5球，19/25，巳經比平時好好好多）

Lunch time我終於後悔無帶到藥，想食都無得食。

但係之後做lab果陣我更後悔lunch time無買到藥，結果成個lab session都起頭暈暈同發冷情況之下做。
（成間lab得我一個纜埋頸巾都覺得凍，亦都好靜咁起度砌circuit）

終於頂到放學，即刻搭車返屋企，好想訓覺。

但係，我唔可以就咁大覺訓...

因為買左飛去聽藍奕邦。

可幸嘅係，食左兩粒藥再抖一抖之後個人無咩事，照去。

唔覺唔覺好快就完左，好好聽。
有D好想聽嘅歌反而無唱到（佢講完一段野我真係以為佢會唱《自知之明》）

場入面嘅聽眾好多都係接近30歲，有好多都係一對對咁去，不過都唔少好似我呢D咁嘅「獨行俠」

尋晚坐我前面有兩對情侶（一男三女，點分自己諗），右面又有一對情侶（又係成三十歲果D），至於我嘅左面？你可以估下坐左咩人，陣間話你知。

的確，有時自己一個人去聽音樂會、睇戲、do whatever you want都係一重享受（或者你所想做嘅野太冷門，無人有興趣）。雖然隔黎無人同你一齊分享果一刻嘅感受，但係可以有個空間俾自己一個人諗下野其實幾好。

整個Show因為起一個都幾細嘅地方進行（仲細過中學個hall），觀眾席係臨時搭建果隻，所以藍奕邦同聽眾嘅距離好近，不時搞下笑聊下聽眾，多一點Interaction，幾好幾好...

唔知你有無留意，成個場有三部琴（電子琴、鋼琴同古鍵琴），但係一張紙都無喎！
都唔知呢個藍奕邦咩結構，不單止無琴譜同歌紙，仲要咁多部琴都係一坐低就彈，又唔會彈錯或者唱錯果下先好野。

如果你俾另一個keyboard我打字，我都可能要時間熟習下...就算同樣係用緊自己部MacBook個keyboard都有機會打錯字。部琴上面咁多鍵仲要係一字排開佢都唔會彈錯，真係好野！

古鍵琴仲要係兩排...真係好多鍵！

用古鍵琴彈《奇珍異獸》同《快樂王子》係有另一種味...

呀，講返我隔黎坐左個咩人先（咦，定係你巳經忘記左想知呢樣野？）

當我行到上觀眾席，我心諗「噢...」

究竟呢個係「噢-2（陰上）」定係「噢-6（陽去）」呢？

成場氣氛都唔錯，有人打拍子有人跟住細細聲唱，而我就好安靜咁坐起度聽每一首歌。

突然之間我覺得好似起度搖晃緊﹣成排坐位都搖晃緊，就好似地震咁...

...而震央就係我左面個位（唔會再有另一個，因為得左面得返一個位）

起呢個時候，如果大家仲記得Physics堂學過D咩野... F = ma

你應該明白我當時個感覺係：「嘩嘩嘩，唔好亂黎...我唔想俾下面D鋼條插死」

好，你仲見到我有命返出黎打呢篇野，即係無事啦。

2009年11月23日

Mon, 23 Nov 2009 14:32:18 GMT

【關於我自己】

Woo, I missed you Mack...
最近有幾個諗法：

人地話一個人嘅名好重要，會好影響到果個人嘅性格同自專心... 同埋自覺存在。

我嘅中文名當然唔係自己選擇啦，姓氏呢樣野無得改，個名...可幸我唔地無跟咩族譜去排。

其實我都唔知如果跟族譜會點。

大學教左廣東話拼音，Hmm...其實我個名都唔係話好響。頭兩個字都係陽聲比較低沉，唯獨係個「軒」字係陰聲調，仲要係第一聲...

「呀軒」
其實好少人咁叫我。

中學之前，同你熟果個你會點叫佢？睇黎都係叫哂中文全名...
「莊浩文！」（呢個係我小學最friend嘅之一，不過升左中學巳經無聯絡）

上到中學，好快就會有一個屬於你嘅花名﹣呢個花名似乎都唔到你改。
「博！」（嘩，夠哂響。）

中學之後，似乎英文名呢樣野比較常用。就算熟嘅都係叫你花名...
「Mack」（因為我同人講我叫Mack，所以我就係Mack）
「洋蔥頭」

如果你同學知你中文全名，嘿...我諗你同佢都應該OK熟。
唔熟嘅人叫完你一聲Mack哥之後仲想佢點？幫手啦！Mack哥！

「Mack哥」
其實呢個名唔係好習慣。畢竟...我分分鐘細過佢。就算我大過佢，都唔係太習慣。
大概係因為香港人鐘意「兩個音節」，就好似「Mac」都要夾硬叫「Ｍac機」
「Ｍac機Mac機」「Mac Gay Mac Gay」噢！

有人叫我「Mack佬」，有人叫我「Mack仔」，呢兩個幾有趣，唔錯。

叫得出你個名其實巳經好好。起大學，有時有D同學仔行過，會咁樣互相recognize：
「;)」　“;)”　（無聲）
「喂...」「哈...」
「Hi there」「Hello」
來不及說Bye巳經擦身而過。

又或者，你會多左幾個名
「呀Max，睇住。」
Softball入面最friend果個同學仔係咁叫我，但其實我都唔知點叫佢好...「呀龍」？其實到最後我都係「喂...同學仔...」

偶然，會有人叫我「Mark」，慣了。

起某一D場合，人地會咁叫你
「你係呀呀呀呀呀...粗腰個細佬」
　　　　　　　　　。。。。。呢五個字就係我個名？

「細佬」
當然只有熟人會咁叫。

（其實上面咁大堆野我唔知自己想表達D咩）

我諗我太容易受影響。

今日Softball擊球考試，第一球差D打中呀sir，之後果幾球都失哂水準。
到尾果一兩球平定好先叫打得出去，激死。

唔太識企硬自己立場係我弱點之一

今日搭電梯見到另一邊有個幾歲大嘅小朋友起梯口想踏上去，我即刻諗「噢，行錯路？」
但其實我根本無錯，條電梯真係向下行喎。
點解我要因為傍邊嘅人而影響到自己呢？

我話過唔想用呀爸嘅錢買電腦俾呀媽，end up我咪又係諗緊應該邊部機自己俾錢（我要買兩部機）
俾呀媽講得兩句我又諗又度。

最近諗左好耐，諗緊另一個問題。
無錯，又係「快樂王子」同「憂鬱小生」嘅問題。
到最後，睇後要唱返首《我太難被感動》

或者《獨行俠》會係所有野嘅總結。

還是留待其他人做吧！

我要繼續去搵我自己。