【Schedule】
時間表開始滿
雖然唔駛hea，但係太忙又搞到無時間hea。
（幾矛盾）
落雨，又落雨。
好天幾日又落雨。
我想曬下太陽呀...
【唱碟】
行過唱碟鋪，除左見到Michael Jackson嘅CD被放到門口當眼位，成個架到係。
但我見到唱碟鋪一個角落，堆著一大堆舊唱碟﹣低至$19，唔會超過$59。
「你今天當我甚麼...」由$98果個架上面跌落$29果堆野，真可惜。
（我下次經過一定會買）
起關楚耀隔黎，有其仔過氣組合、紅唔起嘅歌手，又或者上一代嘅...
（2R、蕭正楠、關淑怡等等）
如果Michael Jackson吸毒，又會唔會由$120果個架跌落$59果堆野度呢？
順帶一提：
林一峰有新碟，聽呀基講好似好正
林峯有新碟（無與趣）
張敬軒隻舊左嘅新碟有第二版（仲未買）
陳柏宇隻新碟，聽Andy講好正（無買到佢第一張，係唔係要買第二張？）
仲有，一直都未買嘅DVD、舞台劇...
【碎件 自省】
有人提醒我，最近有種唔係咁好嘅風氣
對，其實我應該早一點察覺，又或者可能我又再忘記。
有D野 要停一停。
錦江一問，我又諗一諗
今年起事奉上做得未夠好，或者...同上年差唔多咁，無咩大改善。
有人材我唔想浪費（擺起影音房 what a waste）
有人我想招覽又未ready（還是再等一等）
至於我嘅地球，其實要慢慢撒出
當日起呢個地球嘅人...都撒出了，有D巳經唔見左。
係呢個地球會令人唔開心唔滿足，定係有其他問題呢？
大概係...鐘意做幕後嘅人唔多？
我諗有需要寫左份Guideline先，至少有咩事都仲有份野俾其他人睇。
早兩日有個電話打黎，問有無興趣俾佢地上門做個家居清潔示範。
其實幾個月前都有打過黎。
佢話係我朋友俾左我個電話佢地喎。
下？咁都有？唔係掛。
聽日full schedule
夜晚開會係上星期約
傍晚教Mac係早幾日約
下午要砌機係幾個鐘前約
我想剪頭髮呢。
呀，順帶一提
我個人鐘意直接D
如果有野想我幫手，直接講。
唔好問我幾月幾日幾時得唔得閒，直接問我可唔可以...
俾D時間我諗，等我有機會選擇推唔推你，同時大家都有個下台階。
如果我無清楚咁應承你一樣野... 唔好當我應承左。
謝謝！咁樣我會舒服D好過D。
Post a Comment