【藍　奕邦】

我從來無諗過，原來藍奕邦嘅歌係咁好聽，咁中。
開始愛上藍奕邦。

大概係中四果年，某一個下午我起G02室練緊社際舞蹈比賽嘅舞。疲累嘅一個下午，小休嘅時候電視播住「都巿閒情」，一個好唔吸引嘅電視節目。

電視出現藍奕邦，果一日佢唱咩歌、為咩而出現，我無留意，但係果首歌係幾好聽。
有個師姐話：「呢個邊個黎架？藍奕邦？咁醜樣嘅？」

從此以後，我就再無留意。
點解會咁架呢？其實我都唔知點解。總之好多之經過唱片鋪，都會見到果張《快樂王子》起架上面。入面有咩歌、好唔好聽、係唔係我鐘意嘅歌？唔知，我以為我以後都唔會知。


上星期起Facebook遊過，立基post左《自知之明》呢首歌出黎，原來係咁好聽嘅。

仲有《快樂王子》、《憂鬱小生》，同埋一首遺忘左好耐嘅《熱帶魚》

或者呢幾首歌都係我嘅寫照，今日一整日都係哼著《自知之明》同《熱帶魚》呢兩首歌。






我以為我係快樂王子，亦係憂鬱小生。
原來你都係快樂王子？




【關於我自己】
派左Programming Mid term，死唔去...大概係我最高分果科，72.5，above mean。
最高果幾個有九十幾，仲要有Local。
慘愧，慘愧。

Assignment 2同3同樣被好唔小心嘅野炒左成份，雖然Assignment 3爭得返70分，Assignment 2未知...

How careless I am.


今日無去SCF
無去中大團契
無去學園傳道會
今個星期返唔到自己教會團契

但係，今個星期我又做過咩，會做咩呢？

無去聚會，空出黎嘅時間我又做緊咩野呢？



最近腦入面好多野起度，下星期二...點好呢？星期三點好呢？星期四點好呢？

【關於我自己】

最近忙



過去兩星期完成左第一次Mid term。
最後，數學同Electronic circuit當然係死左。


不斷有人同我講，我應該減少D其他野嘅時間。
嗯，睇黎我一開始個定位係有錯。

信心或者真係可以當飯食，但唔係我宜家呢種狀況之下嘅「信心」
將信心當飯食之前，煩請閣下努力努力...

教數學嘅Dr. Tam同我講：「唔係唔俾你玩，不過都要做好先得架喎...」


過去呢兩個月，似乎我太多唔同嘅野忙。
好多好多好多嘅食飯、飯局、焗飯、應酬（呢兩個字係唔係太早出現起度呢？）

有試過一星期得兩晚可以返屋企食飯
好多個8:00am起美心買三文治做早餐
上堂眼訓到死





信箱入面有兩封未寫好，就算寫好都唔敢寄嘅Email。
其實黎緊仲有一封，但係呢封我係唔想寄。







除左寄唔出嘅信，仲有好多好想刪除嘅文件
不過文件唔起Hard Disk，而係起腦入面。

每次觸碰到呢D文件，好自然就會諗起呢段影像。





原來我成日夾左起中間。
夾左起自己中間 (About head and heart)
夾左起兩老中間 (About their money and history)
夾左起功課中間 (About the workload)
夾左起時間中間 (About time allocation)
夾左起想幫同埋唔想幫中間 (About deservedness, willingness, and ability)

三日兩夜嘅生活營終於完左

宜家攰同眼訓

但係仲有一大疊相要慢慢執返出黎



幾日無check email，一大堆email起inbox
雖然好多都係無聊野。

幾日無處理過呢D野，突然想一次過全部掉低哂唔做。



（又無聊講下無聊野先）

出面四圍都唔夠人手，特別係D backend野。
如果你識揸mouse就一定會有人俾野你做。
你比其他人肯花多少少時間，做多少少，咁你就會有更多多野去做。
呢種缺人嘅情況，學校好似特別多。

我諗大概會有人明我又想講咩。

係lor，真係好多好零碎嘅野要我做。
真係燒時間


唔知啦...不過我唔鐘意成日都要對住部電腦係咁check email同覆message。


睇黎Semester 2嘅時間表要好好咁執下。



兩日camp我加埋先訓到7個鐘，你估今晚有幾多？

哈哈哈，每次預備生日禮物都係鐘意玩下野。

今次嘅主角
Mac OS X Snow Leopard同SPACE秋季課程資料（唔該Parry幫我攞呢本野）



大家都係咁上下厚



實夠位



開工！我地需要嘅材料有：
一隻Snow Leopard
一張Mailing Label
一個公文袋
$16.4郵票
Cutter
Ruler
Pencil



辛苦左成晚...



整完



一打開本平平無奇嘅SPACE秋季課程，內有Snow Leopard一盒！（我自己都未買...）



其實仲有Part B

（搵返幾張Year 1嘅相key落去）
一張CD入面，有每個人起Video講生日快樂。
唔知有幾多人會講多D野喇，我就講左成三分鐘廢話...


除左呢兩件，仲有張太空立體生日卡。
將隻CD放埋入去，唔駛煩...



其實呢個設計背後係有意思嘅...

Snow Leopard：除左係佢想要嘅野之外，同時代表佢係Mac user
Year 3先買嘅MacBook Unibody，係我地成個project group入面第一部MacBook Unibody，我地組嘅特色係每個人都有一部MacBook Unibody。

SPACE課程資料：因為我地都係SPACE裡面識，一齊捱過（兩）三年
原本我想搵09-10年果本，不過應該無哂喇...
但其實呢本句Slogan唔錯，「學無涯　習天下」

公文袋+Mailing Label：原本我想用SPACE嘅公文袋扮哂係SPACE寄，不過我無。
唯有起Mailing Label落手扮啦。

寄自Cyberport：因為我地一齊起Cyberport捱過Year 1同Year 2
Cyberport係一個好特別嘅地方，呢度有我地一齊返學放學嘅回憶。

內有Video嘅CD：背景係Cyberport塊草地，再加埋當年Year 1充滿稚氣嘅相
同樣地係代表我地一齊起度返學放學，起草地野餐...果種簡單嘅日子。
影片原本我想每人都講多D佢想講嘅野，我唔知有幾多人有講。不過就算只係得生日快樂呢四個字，都希望朋友可以永遠記得我地呢班人。

呢條片我只係加左片頭、字幕同埋將其中一段降低左聲。
其餘嘅我都無修改過。

點解條片會咁多位無聲呢？

放心，你部電腦同Flash Player都無事。搞成咁，我諗係魔鬼嘅作為。

其實無左聲果D位全部都係成段video嘅main point，但係偏偏就係去到果D位無左聲，我真係唔知點解釋。

我記得入面部份內容，弟兄姊妹都講得好好，應該係我睇過入面講得最好果批...



魔鬼，你好煩呀！阻住哂！



不過...我要感恩！（嘩，好耐無起xanga寫過呢四個字）
因為上帝讓我有智慧去改變用途，剪左呢條片出黎。




【關於我自己】
骨子裡... 我就係一個咁樣嘅人。
我都唔知點解架，總之遇到D我好想幫嘅人，我會盡力幫佢。


骨子裡，我仲係一個無聊人，諗到一D無聊嘅方法去Present一樣野。
呢樣遲下再講。

骨子裡...
或者我唔係理科人
唔知係唔係文科人
有人話我對事物有要求（Presentation/Appearance/Quality/Design/Easy Of Use...）
有人話我諗野唔同一般嘅電腦人
或者我有少少sense of humor

Woohoo... 其實我都唔知有幾多係真有幾多係假。


如果有個ResEdit*程式可以開到我個ROM同埋System Suitcase就好喇，至少我可以知我有咩Resources起入面。
（*ResEdit係一個Classic Mac OS嘅程式，可以爆開個Program/File，睇下入面有D咩野。）